විමල් එජාප ප්‍රබල ඇමතියෙක් හා වාහනක් තුළ රහස් කතාවක !

ජාතික නිදහස් පෙරමුණේ නායක විමල් වීරවංශ මහතා එජාපයේ ප්‍රබලයෙක් හා එජාප නායකයාගේ කිට්ටුවන්තයකු සමඟ නිදහස් චතුරස්‍රය ආසන්නයේ මෝටර් රථයක් තුළ රහස් සාකච්ඡාවක් සිදුකර ඇති බව ආරක්ෂක බුද්ධි අංශ විසින් ජනාධිපතිවරයාට දැනුම්දී ඇතැයි ජනාධිපති කාර්යාල ආරංචි මාර්ගවලින් වාර්තා වේ.

මීට දින කිහිපයකට පෙර විමල් වීරවංශ මහතා සරණ පාරේ ඔටර්ස් ක්‍රීඩා
සමාජය ආසන්නයේ (Otter Aquatic Club) සිය මෝටර් රථය නවතාගෙන සිට පොලිස් විශේෂ කාර්ය බලකායේ රියදුරෙකු විසින් පදවාගෙන පැමිණි මෝටර් රථයකට ගොඩවී තිබේ.

ඉන් පසුව එම මෝටර් රථය ඒ ආසන්නයේම පිහිටි එජාපයේ ප්‍රබලයෙක් හා අමාත්‍යවරයකුද වන අයගේ නිවස ආසන්නයට ගොස් ඔහු එම රථයට නංවාගෙන නිදහස් චතුරස්‍රය ආසන්නයේ පාළු තැනක දෙදෙනා සාකච්ඡා කර ඇති බව බුද්ධි අංශ වාර්තා කර ඇතැයි පැවසේ.