හම්බන්තොට වරාය ගැන අධිකරණ නියෝගයක්

හම්බන්තොට වරාය චීන සමාගමකට ලබා දීමට විරුද්ධත්වය පළ කරමින් ගොණු කළ නඩුව අවසන් වන තෙක් ගිවිසුමකට එළඹීම නවත්වන ලෙස අධිකරණයේ නියෝගයක් ලබා දී ඇති බව පාර්ලිමේන්තු මන්තී‍්‍ර වාසුදේව නානායක්කාර මහතා පවසනවා.

ඊයේ නාරාහේන්පිට අභයාරාමයේ පැවති මාධ්‍ය හමුවකදී මන්ත‍්‍රීවරයා මේ බව සදහන් කරනු ලැබුවා.

විගනේෂ්වරන් රෝහල්ගත කෙරේ

උතුරු පළාත් ප්‍රධාන අමාත්‍ය සී වී විග්නේෂ්වරන් ශ්වසන රෝගයක් හේතුවෙන් යාපනය රෝහලට ඇතුළත් කර තිබෙනවා.

නේවාසිකව ඔහුට ප්‍රතිකාර ලබාදෙන බවයි රෝහල් ආරංචි කියා සිටියේ.

මීගමුවේ සිට නවසීලන්තයට දුටු බෝට්ටු සිහිනය මගදී බොඳ වෙයි

නීති විරෝධි ලෙස බෝට්ටු මගිින් නවසීලන්තය බලා යාමට සූදානමින් සිටි සැකකරුවන් අට දෙනෙකු මීගමුව නීතිය බලගන්වීමේ පොලිස් ඒකකයේ නිලධාරීන් විසින් අත්අඩංගුවට ගෙන තිබෙනවා.

ඒ, කදිරාන ප‍්‍රදේශයේ සිදු කළ වැටලීමකදීයි.

සැකකරුවන් මීගමුව, මාරවිල, කල්මුණේ සහ මුනේතිව් යන ප‍්‍රදේශවල පදංචිකරුවන් බවයි පොලිසිය පැවසුවේ.

"ආණ්ඩුව මුට්ටිය දාල බලනවා" - ඒකාබද්ධයෙන් චෝදනා

නව ව්‍යවස්ථාව සම්බන්ධයෙන් තවම කිසිවක් කෙටුම්පත්කර නොමැති බවට රජය විසින් කරනු ලබන ප්‍රකාශ අසත්‍ය බව ඒකාබද්ධ විපක්‍ෂය චෝදනා කරයි.

සියල්ල කෙටුම්පත්කර පවතිද්දී ජනතාවගෙන් මතුවූ විරෝධය හමුවේ ආණ්ඩුව 'රඟපෑමක' යෙදෙන බව ඒකාබද්ධ විපක්‍ෂයේ කෙහෙළිය රඹුක්වැල්ල මන්ත්‍රීවරයා 'බීබීසී'යට පැවසීය.

ඔස්ටේ‍්‍රලියා - ලංකා විස්‌සේ සටන අද

ලසිත් මාලිංගගේ පැමිණීමත් සමග පන්දු යෑවීමේ අංශය ශක්‌තිමත් කර ගත් ශ්‍රී ලංකා විස්‌සයි විස්‌ස කණ්‌ඩායම අද (17 දා) ඔස්‌ටේ්‍රලියාව සමග තරග තුනකින් සමන්විත විස්‌සයි විස්‌ස තරගාවලියේ පළමු තරගයට සහභාගි වේ. මෙල්බන් නුවරදී ආරම්භ වන මෙම තරගය ශ්‍රී ලංකා වේලාවෙන් ප.ව. 1.30 ට පමණ ආරම්භ වීමට නියමිතය.

වැඩි මිලට සහල් විකුණන වෙළඳුන්ට වැඩ වරදියි

රට තුළ සහල් හිඟයකට හෝ වැඩි මිලට කිසිසේත් සහල් අලෙවි කිරීමට ඉඩ නොතබන බව කර්මාන්ත හා වාණිජ කටයුතු පිළිබඳ අමාත්‍යංශය පවසනවා.

වවුනියාවේදී මාධ්‍ය අමතමින් අමාත්‍ය රිෂාඩ් බදියුදීන් සඳහන් කළේ සහල් වැඩි මිලට අලෙවි කරන වෙළෙඳුන් සොයා අද සිට වැටලීම් දැඩි කරන බවයි.

මහින්දගේ තංගල්ලේ නිවෙස අසලට ගිය රාජිත පුදුම වෙයි

හිටපු ජනාධිපති මහින්ද රාජපක්ෂ මහතාගේ නිවෙස ඉදිරිපිට තිබෙන තංගල්ල රෝහලේ තත්ත්වය පිළිබඳ තමන් පුදුම වන බව සෞඛ්‍ය, පෝෂණ හා දේශීය වෛද්‍ය ඇමැති රාජිත සේනාරත්න මහතා පවසයි.

පසුගිය ආණ්ඩුව මහා පරිමාණ සංවර්ධන ව්‍යාපෘති ක්‍රියාත්මක කළද කුඩා පරිමාණ සංවර්ධන ව්‍යාපෘති පිළිබඳ කිසිදු තැකීමක් කර නොමැති බව මෙයින් ඔප්පු වන බව ස අමාත්‍යවරයා සඳහන් කළේය.

කාලගුණයෙන් විශේෂ නිවේදනයක්

ඉදිරිපැය 48 තුළදී දිවයින වටා මුහුදු ප්‍රදේශ වල තද සුළං තත්ත්වයක් අපේක්ෂා කළ හැකි බව කාලගුණ විද්‍යා දෙපාර්තමේන්තුවට නිවේදනය කරයි.

ඒ අනුව පුත්තලම සිට කොළඹ හරහා බලපිටිය දක්වා හා ගාල්ල සිට හම්බන්තොට හරහා පොතුවිල් දක්වා ගැඹුරු හා නොගැඹුරු මුහුදු ප්‍රදේශවල තද සුළං ඇතිවිය හැකි බව එම නිවේදනයේ දැක්වෙයි.