අද මධ්‍යම රාත්‍රියේ සිට දුම්රිය වර්ජනයක් - HOT NEWS | hotnews.lk | ඇත්ත දැනගන්න මෙතැනින් එන්න

HOT NEWS | hotnews.lk | ඇත්ත දැනගන්න මෙතැනින් එන්න

hotnews.lk Latest Hot News and Gossip Updates from Sri Lanka.

gossip lanka

අද මධ්‍යම රාත්‍රියේ සිට දුම්රිය වර්ජනයක්

ඉල්ලීම් කිහිපයක් මුල් කර ගනිමින් අද(05) මධ්‍යම රාත්‍රියේ සිට අඛණ්ඩ වර්ජනයක් ක්‍රියාත්මක කිරීමට දුම්රිය රියදුරන් තීරණය කර තිබෙන බව දුම්රිය එන්ජින් රියදුරු සංගමයේ ලේකම් ඉන්දික දොඩම්ගොඩ සඳහන් කරයි.

දුම්රිය රියදුරන් බඳවා ගැනීමේ පටිපාටිය උල්ලංගණය කරමින් වයස අවුරුදු 45 ඉක්ම වූ දුම්රිය සේවකයින් 12 දෙනෙකු රියදුරන් ලෙස බදවා ගැනීමට එරෙහිව එම වර්ජනය දියත් කරන බව හෙතෙම කියා සිටී.
මේ අතර දුම්රියක් කාර්මික දෝෂයකට ලක්වීම හේතුවෙන් මහනුවර සිට කොළඹ කොටුව බලා ධාවනය වන සියලූම දුම්රිය ප්‍රමාද වන බව පාලක මැදිරිය පවසයි.

රඹුක්කන සහ කඩිගමුව අතර ප්‍රදේශයේදී පොල්ගහවෙල සිට මහනුවර බලා යන දුම්රියක් අද උදෑසන කාර්මික දෝෂයකට ලක්වීම හේතුවෙන් මෙම දුම්රිය ප්‍රමාදය ඇති වන බව පාලක මැදිරිය වැඩිදුරටත් සඳහන් කළේ.