වීරතුංගට නඩුදාන්න ලක්ෂ 70ක් වියදම් කරලා ! - HOT NEWS | hotnews.lk | ඇත්ත දැනගන්න මෙතැනින් එන්න

HOT NEWS | hotnews.lk | ඇත්ත දැනගන්න මෙතැනින් එන්න

hotnews.lk Latest Hot News and Gossip Updates from Sri Lanka.

gossip lanka

වීරතුංගට නඩුදාන්න ලක්ෂ 70ක් වියදම් කරලා !

රුසියාවේ හිටපු තානාපති උදයංග වීරතුංග මහතා අත්අඩංගුවට ගැනීමට අදාළව විදෙස් රටක පැවැති නඩුවක් සම්බන්ධයෙන් අධිකරණයේ කරුණු දැක්වීමට රුපියල් හැත්තෑ තුන්ලක්ෂ විසිනවදහසක (73,29,000/-) මුදලක් වැයකර තිබේ.

විදේශකටයුතු අමාත්‍යංශය විසින් පසුගිය සැප්තැම්බර් 20 වැනිදා ඉදිරිපත් කරන ලද පරිපූරක ඇස්තමේන්තුවක් මගින් මෙම අමතර මුදල වෙන්කරගෙන ඇති බව පැවසේ.
එක්සත් අරාබි එමීර් රාජයේ අධිකරණයක් ඉදිරියේ කරුණු දැක්වීමේ නීතීඥ ගාස්තු වෙනුවෙන් එම මුදල ගෙවා තිබේ.

කෙසේවුවද, මේ කාර්ය සඳහා මීට වඩා වැඩි මුදලක් විදේශ කටයුතු අමාත්‍යංශය විසින් වියදම් කර ඇති බව පැවසෙන අතර එය මෙතෙක් හෙළිව නොමැත.

විරතුංග මහතාට රුසියාවේ තානාපති ධූරය දරණ අවස්ථාවේ ජාත්‍යන්තර අවි ජාවාරමක යෙදීම, මිග් ප්‍රහාරකයානා මිලදී ගැනීමේදී සිදු කළ වංචාවක් හා ඝාතනයක් සම්බන්ධයෙන් චෝදනා එල්ලවී තිබේ.

ඔහු මේ සම්බන්ධයෙන් මෙතෙක් අත්අඩංගුවට ගැනීමට නොහැකිවී ඇති අතර ඒ ඔහුට දේශපාලන රැකවරණ හිමිව තිබීම නිසාය.