විදුලි සේවකයන්ගේ ප්‍රසාද දීමනාව යළි ලබාදීමට රජය එකඟ වෙයි

විදුලි සේවකයන්ගේ කප්පාදු කළ ප්‍රසාද දීමනාව යළි ලබාදීමට අදාළ කටයුතු සූදානම් කර ඇති බව විදුලි බල හා පුණර්ජනනීය බලශක්ති අමාත්‍යාංශය පවසනවා.
ඊයේ පස්වරුවේ අමාත්‍යාංශයේ අධ්‍යක්‍ෂ මණ්ඩලයේ සාකච්ඡා කර මෙම තීරණයට එළඹි බවයි එහි මාධ්‍ය ප්‍රකාශක සුලක්‍ෂණ ජයවර්ධන  මහතා කියා සිටියේ.

කෙසේ වෙතත්, උපවාසයේ නියුතු විදුලි බල සේවක සංගමයේ ලේකම් රංජන් ජයලාල් මහතා කියා සිටියේ අධ්‍යක්‍ෂ මණ්ඩලය ගත් තීරණ සම්බන්ධයෙන් මෙතෙක් ඔවුන් දැනුවත් කර නොමැති හෙයින් උපවාසය අඛන්ඩව සිදු කරන බවයි.