ඉපයූ ආකාරය හෙළි කළ නොහැකි රුපියල් මිලියන 27ක් යොදවා බොරැල්ල කිංසි පාරේ නිවසක් මිලට ගැනීමෙන් මුදල් විශුද්ධිකරණ පනත යටතේ වරදක් සිදු කළ බවට මහින්දානන්ද අලුත්ගමගේ මහතාට චෝදනා එල්ල වී ඇත.
අදාළ නඩුව කොළඹ මහාධිකරණ විනිසුරු ගිහාන් පිලපිටිය මහතා ඉදිරියේ අද කැඳවූ අවස්ථාවේ කරුණු සලකා බැලූ අතර එහිදී මහින්දානන්ද අලුත්ගමගේ මහතා ඇප මත මුදාහැරීමට විනිසුරුවරයා තීරණය කළේය.
රුපියල් ලක්ෂ දෙකක මුදල් ඇප සහ රුපියල් ලක්ෂ 05 බැගින් වන ශරීර ඇප දෙකක් මත විත්තිකාර මහින්දානන්ද අලුත්ගමගේ මහතා මුදාහැරීමට මහාධිකරණ විනිසුරුවරයා නියෝග කළේය.
නඩුව විභාගයට ගැනීමට දින නියම කිරීම සඳහා ජූලි 10 වන දාට කල් දැමුණි.