Email

කොරෝනාවෙන් බේරෙන්න රනිල් පාවිච්චි කරන අලුත්ම ගැජට් එක - (photos)

රට තුළ පාලනය කර තිබූ කොවිඩ් වෛරසය නැවත සමාජය තුළ ව්‍යාප්ත වීමත් සමග මහ මැතිවරණය පැවැත්වීම ද අවිනිශ්චිත වී තිබෙනවා. ඇතැම් දේශපාලන පක්ෂ ප්‍රචාරක රැස්වීම් පවා අත්හිටුවා තිබේ. ඒ අතර ඇතැම් දේශපාලනඥයන් හා දේශපාලන පක්ෂ සිය මැතිවරණ ප්‍රචාරණ කටයුතුවලදී, සෞඛ්‍ය බළධාරීන් විසින් හඳුන්වා දුන් සෞඛ්‍ය උපදෙස් පිළි නොපදින බවටද චෝදනා එල්ල වෙමින් තිබේ.


මේ අතර එක්සත් ජාතික පක්ෂ නායක රනිල් වික්‍රමසිංහ මහතා ඊයේ කෑගල්ල දිස්ත්‍රික්කයේ ප්‍රචාරක කටයුතු සඳහා එක්ව සිටියේ මුඛ ආවරණවලට අමතරව තවත් විශේෂ උපකරණයක්ද පැළඳගෙනයි.

සම්පූර්ණ මුහුණ ආවරණය වන පරිදි පැළඳිය හැකි මෙම උපකරණය මේ වනවිට සුපිරි වෙළඳ සැල් වැනි ජනතාව බහුලව සැරිසරන ආයතනවල සේවකයන් පැළඳ සිටින අතර දේශපාලනඥයෙකු මෙවැනි ආවරණයක් පැළඳ සිටිනු දක්නට ලැබුණේ පළමු වරටයි.
gossip lanka