Email

යාපනයේ සියලු ගම්වල නම් සිංහලට පරිවර්තනය කිරීම නවතන්නැයි නිලධාරීන්ට උපදෙස්

යාපනයේ සියළුම මංමාවත් හා ගම්මානවල නම්, නාම පුවරුවල යෙදීමේදී දෙමළ නම් දෙමළෙන් ඇති ආකාරයට දෙමළ භාෂාවට ප්‍රමුඛත්වය ලබා දෙමින් ප්‍රදර්ශනය කළ යුතු බව උතුරු පළාත් ප්‍රධාන අමාත්‍ය සී.වී. විග්නේෂ්වරන් යාපනයේ සියළුම පරිපාලන නිලධාරීන්ට දැනුම් දී තිබෙනවා.

යාපනයේ පළාත් පාලන  ආයතන නිලධාරීන් පිරිසක් සමග යාපනයේදී
පැවති සාකච්ඡාවකදී ප්‍රධාන අමාත්‍යවරයා  මේ බව දැණුම් දී තිබෙනවා.

බෞද්ධ භික්ෂූන් වහන්සේලාගේ හා ආරක්ෂක අංශ ප්‍රධානීන්ගේ වුවමනාවන් මත යාපනය ඇතුළු උතුරේ බොහෝ ගම්මානවල නම්, නාම පුවරුවල යෙදීමේදී  දෙමළ නම් සිංහලට පරිවර්තනය කොට යොදා ඇතත් එය විශාල වරදක් බවද ප්‍රධාන අමාත්‍යවරයා පවසා තිබෙනවා.

මේ සදහා උදාහරණ ගණනාවක් දී ඇති ප්‍රධාන අමාත්‍යවරයා යාපනයේ නාගදීපයක් නැති බවත් ඇත්තේ නයිනතීව් පමණක් බවත්  නිලධාරීන්ට පෙන්වා දී ඇති අතර නාගදීපයට යන පාර සම්බන්ධයෙන් යාපනයේ එක් ස්ථානයක සවිකොට ඇති නාම පුවරුව සම්පූර්ණයෙන්ම වැරදි බවද පවසනවා.

වහාම මෙම නාමපුවරු නම් කිරීම ඉතා ඉක්මනින් සිදු කරන ලෙස උපදෙස් දී ඇති ප්‍රධාන අමාත්‍යවරයා නාමපුවරුවල නම් යෙදීමේදී උතුරේ වැඩි ජනගහනයක් දෙමළ නිසා මුලින්ම ඒ නම් දෙමළ භාෂාවෙන්ද, විදේශීය සංචාරකයින් මෙම පළාත්වලට පැමිණෙන නිසා දෙවනුවට ඉංග්‍රීසි භාෂාවෙන්ද තුන්වෙනුව සිංහලෙන්ද නාමපුවරු ලකුණු කරණ ලෙසයි  දැණුම් දී ඇත්තේ.


gossip lanka