තවත් හොඳ හොඳ හඬපට මා සතුයි.. ඒවා හෙලි කලාම ගැලවෙන රෙදි ගැලවෙන ප‍්‍රමාණය තවත් වැඩිවෙයි - රංජන් - HOT NEWS | hotnews.lk | ඇත්ත දැනගන්න මෙතැනින් එන්න

HOT NEWS | hotnews.lk | ඇත්ත දැනගන්න මෙතැනින් එන්න

hotnews.lk Latest Hot News and Gossip Updates from Sri Lanka.

gossip lanka

තවත් හොඳ හොඳ හඬපට මා සතුයි.. ඒවා හෙලි කලාම ගැලවෙන රෙදි ගැලවෙන ප‍්‍රමාණය තවත් වැඩිවෙයි - රංජන්

තමාගේ දුරකථන සංවාද බව පවසමින් සමාජ ජාල මාධ්‍ය සහ මාධ්‍ය නාලිකාවල ප‍්‍රචාරය වන හඬ පට සියල්ල තමන්ගේ හඬ ඇතුළත් ඒවා බව කිව නොහැකි යැයි පාර්ලිමේන්තු මන්ත‍්‍රී රංජන් රාමනායක මහතා පැවැසීය.



ඇතැම් හඬ පට තමන්ගේ යැයි කීමට බිය නොවන බවත් සංස්කරණය කළ හෝ විකෘති කර අලූතින් හඬ එකතු කළ ඒවාත් තිබිය හැකි බව ද, හෙතෙම කීවේය.

යහපාලන රජය හොරු ඇල්ලීම අමතක කරද්දී තමා හුදකලාව සටන් කළ බව කී රන්ජන් රාමනායක මහතා ඒ වෙනුවෙන් අනුගමනය කළ ක‍්‍රියාමාර්ග සභ්‍යත්වයෙන් තොර විය හැකි බවත් කීවේය.

එසේ නොමැතිව හොරු ඇල්ලීම හෝ සත්‍ය අනාවරණය කර ගැනීම හීනයක් බවත් තමන්ගේ අරගලය නොනවත්වා ඉදිරියට ගෙන යන බවත් ඒ මහතා පැවසීය.

හඬ පට යම් ප‍්‍රමාණයක් පමණක් මාධ්‍ය වෙත නිකුත් වුවද තවත් හොඳ හොඳ හඬපට තමන් සතුව පවතින බවත් ඒවා ඉදිරියේදී රටට හෙළි කරන බවත් කී රන්ජන් රාමනායක මහතා එහිදී රෙදි ගැලවෙන ප‍්‍රමාණය තවත් වැඩිවනු ඇතැයි ද වැඩිදුරටත් කියා සිටියේය.

– divaina