මෙවර ජනාධිපතිවරණය වෙනුවෙන් උපකාර කල සිය හිතවතුන් පිරිසක් වෙනුවෙන් මංගල සමරවීර මන්ත්‍රීවරයා විසින් එම සුහඳ හමුව පවත්වා තිබිණ.
මංගල සමරවීර දේශපාලනයෙන් සමුගැනීමට තීරණය කර ඇතැයි ඇතැම් මාධ්‍යවල පලවී ඇති වාර්තා සම්බන්ධයෙන් පක්ෂ ක්‍රියාකාරීන් කළ විමසීමේදී තමන් කිසිඳු අවස්ථාවක එවැනි ප්‍රකාශයක් නොකළ බව කී බව ද ලීඩර් වාර්තා කර ඇත.
ජනාධිපතිවරණ පරාජයෙන් හුදෙකලාවී සිටින පාක්ෂිකයින් අතහැර පලායාමට තමා කිසිවිටෙකත් සුදානම් නොමැති බව මංගල සමරවීර මන්ත්‍රීවරයා එහිදී සඳහන් කළ බවද පැවසේ.
දෙසැම්බර් මස මැද භාගයේදී තමා දින කිහිපයකට විදේශගතවීමට නියමිතබවත් ඉන් අනතුරුව වහාම ඉදිරි මැතිවරණ කටයුතු සඳහා දිවයිනට පැමිණෙන බවත් ඔහු වැඩිදුරටත් පවසා ඇත.
මංගල සමරවීර මන්ත්‍රීවරයා සිය හිතවතුන් සමග පසුගිය ඉරිදා රාත්‍රී නර්තනකට ද එක්ව සිටි බව වාර්තා වේ.