Email

මාලදිවයිනට පනින්න ගිය කංජිපානි කටුනායකදී මාට්ටු

මාකදුරේ මදූෂ් සමග අත්අඩංගුවට ගෙන ඩුබායි රාජ්‍යයෙන් පිටුවහල් කර ශ්‍රී ලංකාවට එවන ලද, සංවිධානාත්මක අපරාධකරුවෙකු බව කියන, මොහොමඩ් නජීම් මොහොමඩ් ඉම්රාන් නොහොත් 'කංජිපානි ඉම්රාන්' සහ රොටුඹ අමිල නැමැත්තා අද (28) උදෑසන කටුනායක ගුවන්තොටුපලේදී , අපරාධ පරීක්ෂණ දෙපාර්තමේන්තුවේ නිලධාරීන් සිය භාරයට ගෙන ඇත.
කටුනායක ගුවන් තොටුපළට පැමිණි ඔවුන් මාලදිවයින බලා පිටත්ව යෑමට උත්සහ කිරීමේදී අපරාධ පරීක්ෂණ දෙපාර්තමේන්තුවේ නිලධාරීන් විසින් මෙලෙස ඔහුව සිය භාරයට ගෙන තිබේ.

පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා කියා සිටියේ, කංජිපානි ඉම්රාන් නැමැත්තා අද උදෑසන කටුනායක ගුවන් තොටුපලට පැමිණීමෙන් පසු ප්‍රශ්න කිරීම සඳහා අපරාධ පරික්ෂණ දෙපාර්තමේන්තුව භාරයට ගත් බවයි.

ඔහු කටුනායකට පැමිණීමෙන් අනතුරුව මාලදිවයින බලා යාමට සැලසුම් සකස් කර තිබූ බව පොලිස් මාධ්‍ය ප්‍රකාශකවරයා සඳහන් කළේය.

කෙසේ වෙතත් කඩිනමින් ක්‍රියාත්මක වූ අපරාධ පරීක්ෂණ දෙපාර්තමේන්තුවේ නිලධාරීන් ඔහුව ගුවන්තොටුපොළේදී සිය භාරයට ගත් බව පොලිස් මාධ්‍ය ප්‍රකාශකවරයා වැඩිදුරටත් පැවසිය.
gossip lanka