ඉකුත් දා පාර්ලිමේන්තුවට ඉදිරිපත් කෙරුණු විසර්ජන පනත් කෙටුම්පතට අනුව ලබන වසර සඳහා රජයේ මුළු වියදම රුපියල් බිලියන 3982ක්.
සියලු ප‍්‍රදානයන් ද සහිතව එම වසරේ රාජ්‍ය ආදායම රුපියල් බිලියන
2175ක් බවයි විසර්ජන පනත් කෙටුම්පතේ දැක්වෙන්නේ.
ඒ අනුව බිලියන 1807ක් වූ අය - වැය හිඟය පියවා ගන්නා ආකාරය අද ඉදිරිපත් කෙරෙන අය - වැය වාර්තාවෙන් විස්තර කෙරෙන බවයි මුදල් රාජ්‍ය අමාත්‍ය ඉරාන් වික‍්‍රමරත්න පැවසුවේ. අද ඉදිරිපත් කෙරෙන අය - වැයෙන් අධ්‍යාපනයට මුලික තැනක් ලබා දෙන බවද අමාත්‍යවරයා කියා සිටියේ.
රාජ්‍ය අමාත්‍ය ඉරාන් වික‍්‍රමරත්න වැඩිදුරටත් සඳහන් කළේ ආණ්ඩුව අය - වැයට පෙර ද ජනතාවට සහන රැසක් ලබා දී ඇති බවයි.
ජංගම දුරකතන බදු අඩු කිරීම, ඖෂධ මිල අඩු කිරීම, වාහන මිල අඩු කිරීම හා අත්‍යවශ්‍ය ආහාර ද්‍රව්‍යවල මිල අඩු කිරිම ඒ අතරින් කිහිපයක් බවයි අමාත්‍යවරයා සඳහන් කළේ.
ඒ අනුව අය - වැය කතාවෙන් සිදු කෙරෙන්නේ පුද්ගල ආර්ථිකය ශක්තිමත් කිරීමට අවශ්‍ය වටපිටාව සකස් කිරීම බව ද අමාත්‍ය ඉරාන් වික‍්‍රමරත්න කියා සිටියා.
Tags
slide