ආරක්ෂක මාණ්ඩලික ප්‍රධානීව යළිත් CIDයට කැඳවයි - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Saturday, November 24, 2018

ආරක්ෂක මාණ්ඩලික ප්‍රධානීව යළිත් CIDයට කැඳවයි

ප්‍රකාශයක් ලබාගැනීම සදහා ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න මහතා අපරාධ පරීක්ෂණ දෙපාර්තමේන්තුවට කැඳවා තිබේ.

ඒ අනුව එළඹෙන 27 වැනිදා උදෑසන 10.00ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දන්වා  ආරක්ෂක මාණ්ඩලික
ප්‍රධානී අද්මිරාල් රවීන්ද්‍ර විජේගුණරත්න මහතාට ලිපියක් යොමුකළ බව එම දෙපාර්තමේන්තු ප්‍රකාශකයෙකු සඳහන් කළේය.

තරුණයන් 11 දෙනෙකු පැහැරගෙන යාමේ සිද්ධිය සම්බන්ධයෙන් දැනට රක්ෂිත බන්ධනාගාර ගත කර සිටින නාවික හමුදාවේ හිටපු ලුතිනන් කමාන්ඩර් චන්දන ප්‍රසාද් හෙට්ටිආරච්චිට රැකවරණය ලබාදුන් බවට ආරක්ෂක මාණ්ඩලික ප්‍රධානීවරයාට චෝදනා එල්ල වී ඇත.

මෙම සිද්ධිය සම්බන්ධයෙන් මීට පෙරත් අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස රවීන්ද්‍ර විජේගුණරත්න මහතාට ලිඛිතව දැනුම්දුන්න ද සේවයේ අවශ්‍යතාවක් මත ඔහු රටින් බැහැරව සිටීම හේතුවෙන් එම අවස්ථාවේදී අපරාධ පරීක්ෂණ දෙපාර්තමේන්තුව හමුවේ පෙනි සිටියේ නැත.

කෙසේවෙතත් මේ වන විට අවස්ථා දෙකකදී ආරක්ෂක මාණ්ඩලික ප්‍රධානී අද්මිරාල් රවීන්ද්රට විජේගුණරත්න මහතා අත්අඩංගුවට ගන්නා ලෙස ද අධිකරණය නියෝග කර තිබේ.