කතානායක පාර්ලිමේන්තුව කැදවයි..? - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Monday, October 29, 2018

කතානායක පාර්ලිමේන්තුව කැදවයි..?

කතානායකවරයාට පාර්ලිමේන්තුව කැදවීමේ බලය ඇති බවත් එය හෙට දිනයේ ඔහු විසින් තීරණය කරනු ඇති බවත් හිටපු අගමැති රනිල් වික‍්‍රමසිංහ මහතා පවසයි.

ඔහු මේ බව කියා සිටියේ අරලිගහ මන්දිරයේදී විදෙස් මාධ්‍ය අමතමිනි.

පාර්ලිමේන්තුව කැදවන ලෙස මේ වන විට එජාප, ජවිපෙ දෙමල සන්ධාන
මන්ත‍්‍රීවරුන් 120කට වැඩි පිරිසක් ලිඛිතව කතානායකවරයාගෙන් ඉල්ලා තිබේ.

මේ අතර කතානායක කරු ජයසූරිය මහතා අද පෙරවරුවේ මහනුවරට ගොස් මල්වතු අස්ගිරි මහා නා හිමිවරුන් බැහැ දුටුවේය.

ඒ සම්බන්දයෙන් කතානායක මාධ්‍ය අංශය විසින් නිකුත් කරන ලද නිවේදනය මෙසේය.

කථානායකවරයා මහා නා හිමිවරුන් හමුවේ පැවසූවේ රටේ උද්ගත වී ඇති දේශාපාලන අවුල් සහගත තත්වය වඩාත් යහපත් ලෙස විසදා ගැනීමට මෙම අවස්ථාවේ දී මහා නා හිමිවරුන්ගේ මග පෙන්වීම ඉතා වැදගත් බවයි.

ඉතිහාසයේ සෑම විටකම මෙවැනි අවස්ථාවලදී මහා සංඝරත්නය පෙරට පැමිණ නිවැරදි මග පෙන්වා ඇති බව පෙන්වා දුන් කථානායකවරයා සඳහන් කලේ පැන නැගී ඇති තත්වය වීථී සටන් තුලින් විසදා ගැනීම නොව වඩාත් ශිෂ්ඨ සම්පන්න ක්‍රමය වනුයේ ප්‍රජාතන්ත්‍රවාදීව පාර්ලිමේන්තුව තුලින් විසාදා ගැනීම බවයි.

මෙම අවස්ථාවේදී කවර හෝ පාර්ශවයක් වෙනුවෙන් හෝ පුද්ගලයෙකු වෙනුවෙන් පෙනි සිටිමේ අවශ්‍යතාවයක් තමාට නොමැති බැවින්, රටෙත්, ජනතාවගෙත් යහපත වෙනුවෙන් සාම කාමීව විසදා ගැනීමට උත්තරීතර පාර්ලිමේන්තුව වෙනුවෙන් උපරිමයෙන් සහායවීම තම අරමුණ බවත්ය.

මේ වන විටත් වාර්තා වී ඇති පුද්ගල ඝාතන දෙකක් ඇතුළු නොසන්සුන්කාරී සිදුවීම් ද ලෝකයේ විවිධ රටවල් වලින් සිය රටවල පුරවැසියන්ට ශ්‍රි ලංකාවේ සංචාරය පිළිබඳ නිකුත් කර ඇති අනතුරු ඇඟවීමේ නිවේදන ද රාජතාන්ත්‍රික වශයෙන් සහ ආර්ථික වශයෙන් රට තුල දැවැන්ත පසුබෑමක් ඇති කිරීමට ඉඩ ඇති බැවින්, අද්දැකීම් ලත් පරිනත නායකයන් ලෙස පාර්ලිමේන්තුව කඩිනමින් කැදවා බහුතර මතයට හිස නමමින් ප්‍රජාතන්ත්‍රවාදීව කටයුතු කිරීමේ වගකීම සියළු පාර්ශවයන්ට සිහිපත් කරන ලෙසද කථානායකවරයා මහා නා හිමිවරුන්ගෙන් ඉල්ලා සිටියේ ය.

– කතානායක මාධ්‍ය අංශය