ආණ්ඩුවක් හදනවාද නැද්ද.. ඒකාබද්දය ජී.එල්. නිවසේ පැවැති සාකච්චාවේ තීරණ මෙන්න.. වෙල්ගම අමුතුම තීරණයකයි.. - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Wednesday, October 10, 2018

ආණ්ඩුවක් හදනවාද නැද්ද.. ඒකාබද්දය ජී.එල්. නිවසේ පැවැති සාකච්චාවේ තීරණ මෙන්න.. වෙල්ගම අමුතුම තීරණයකයි..

ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂයේ මන්ත්‍රීවරුන් 41 ක් දෙනා සමග හිටපු ජනාධිපති මහින්ද රාජපක්ෂ මහතා විසින් පවත්වන ලද සාකච්ඡාව මීට ටික වේලාවකට පෙර අවසන් වී තිබේ.

එහිදී ඔවුන්ට හිටපු ජනාධිපතිවරයා පෙන්වා දී ඇත්තේ සභාග හෝ බාරකාර ආණ්ඩුවක් පිහිටුවීමක් ගැන
ආණ්ඩුව පැත්තෙන් මේ වන තෙක් කිසිදු නිල ආරාධනාවක් ලැබී නැති බවයි.

ආණ්ඩුවක් පිහිටුවන්නේ නම් එහි වැඩි වගකීම ඇත්තේ ජනාධිපති මෛත්‍රීපාල සිරිසේන මහතාට බවද ඔහු පෙන්වා දී ඇත.

රට පත්ව ඇති තත්ත්වයෙන් මුදාගැනීම සඳහා ආණ්ඩුව ලබා දුන්නොත් එය බාර ගැනීමට නොපැකිලෙන බව ද මහින්ද රාජපක්ෂ මහතා සඳහන් කර ඇත.

කෙසේවෙතත් ආණ්ඩුවක් පිහිටුවන්නේ නම් එහි මූලික කටයුතු සිදුකළ යුතු වන්නේ ජනාධිපති මෛත‍්‍රිපාල සිරිසේන මහතා නිසා එය ඔහු විසින් සිදුකරන තෙක් බලා සිටිය යුතු බවද එම මන්ත්‍රීවරුන් බහුතරයකගේ අදහස වී ඇත.

සභාග ආණ්ඩුවක් ගැන මාධ්‍යවල පළ වන වාර්තා සම්බන්ධයෙන් වැඩිදුර ප්‍රතිචාර නොදක්විය යුතු බවටද ඔවුන් කතිකා කර ඇත.

කෙසේ වෙතත් පාර්ලිමේන්තු මන්ත්‍රී කුමාර වෙල්ගම මහතා එම හමුව අමතමින් සඳහන් කර ඇත්තේ භාරකාර හෝ සභාග ආණ්ඩුවක් පිහිටුවන්නේ නම් තමන් විරෝධය නොපාන නමුත් තමන් ආණ්ඩු පක්ෂයේ අසුන් නොගෙන විපක්ෂයේ අසුන් ගන්නා බවයි.

ඊට එකඟ නොවෙමින් පාර්ලිමේන්තු මන්ත්‍රී මහින්දානන්ද අලුත්ගමගේ මහතා සඳහන් කර ඇත්තේ කණ්ඩායමක් ලෙස ගන්නා තීන්දුව කණ්ඩායම සාමූහිකව ක්‍රියාත්මක කළ යුතු බවය.

මහාචාර්ය ජී.එල්. පීරිස් මහතාගේ නිවසේදී අද පැවති මන්ත‍්‍රී හමුව සඳහා ඒකාබද්ධ විපක්ෂය නියෝජනය කරන ශ්‍රී ලංකා නිදහස් පක්ෂයේ නොවන කිසිදු මන්ත්‍රීවරයෙක් කැඳවා නොතිබූ අතර මෑතකදී ආණ්ඩුවෙන් ඉවත් වූ 16 දෙනාගේ කණ්ඩායමේ කිසිවකු ද කැඳවා නොතිබුණි.

ඒ ගැනද සැලකිලිමත් වී ඇති හිටපු ජනාධිපතිවරයා සඳහන් කර ඇත්තේ එම පිරිසද ඇතුළුව ඒකාබද්ධ විපක්ෂයේ සම්පූර්ණ මන්ත්‍රී කණ්ඩායම සමඟ අද දිනයේ සාකච්ඡා කිරීමට වහා කැඳවන ලෙසයි.