රෝසිගේ නිල කාමරයේ තිබූ ඓතිහාසික බුදු රුව අතුරුදන් - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Tuesday, August 21, 2018

රෝසිගේ නිල කාමරයේ තිබූ ඓතිහාසික බුදු රුව අතුරුදන්

කොළඹ නගරාධිපතිනි රෝසි සේනානායකගේ නිල කාමරයේ තිබී ඉවත් කරන ලද ඓතිහාසික ලෝහමය බුද්ධ ප්‍රතිමා වහන්සේ අතුරුදන්ව ඇති බව කොළඹ මහ නගර සභාවේ ආරංචි මාර්ග උපුටා දක්වමින් පුවත්පත් මාධ්‍ය වාර්තා කර තිබෙනවා.

රෝසි සේනානායක නගරාධිපති ධුරයට පත්වීමෙන් පසු නිල කාමරයේ
තිබූ පැරණි බුද්ධ ප්‍රතිමා වහන්සේ ඉවත් කර ඇති බව පෙරේදා (19) අගමැති රනිල් වික්‍රමසිංහ සහභාගි වූ උත්සවයකදී ඕමල්පේ සෝභිත හිමියෝ ප්‍රකාශ කර තිබුණා.

කොළඹ මහ නගර සභාවේ තිබූ බුද්ධ ප්‍රතිමා වහන්සේ නැවත එම ස්‌ථානයේ තැන්පත් කළ බව රෝසි සේනානායක මහත්මිය තමාට එම අවස්‌ථාවේම දුරකථනයෙන් දැනුම් දුන් බවයි අගමැතිවරයා එහිදී සිය කතාවේදී ප්‍රකාශ කර ඇත්තේ.

එහෙත් ඊයේ (20) පෙරවරුව වන විටත් නගරාධිපති නිල කාමරයෙන් ඉවත් කළ බුද්ධ ප්‍රතිමා වහන්සේ සොයා ගැනීමට නොහැකිව සිටියදී ජනාධිපති ලේකම් කාර්යාලයේ මාධ්‍ය අංශය ඒ පිළිබඳව සොයා බැලීමට පැමිණ ඇති බව සඳහන්.

එම අවස්‌ථාවේ නගරාධිපතිනිය කලබල වී ආණ්‌ඩු පක්‍ෂයේ ප්‍රධාන සංවිධායක නිල කාමරයේ තැන්පත් කර තිබූ බුද්ධ ප්‍රතිමා වහන්සේ නගරාධිපති නිල කාමරයේ තැන්පත් කර ජනාධිපති කාර්යාලය නොමග යෑවූ බව කොළඹ නගර සභා සේවකයෝ පුවත්පතක් වෙත පවසා තිබෙනවා.

රෝසි සේනානායක විසින් සිය නිල කාමරයේ දැනට තැන්පත් කර තිබෙන සුදු පැහැති බුද්ධ ප්‍රතිමා වහන්සේගේ සහ පැරණි බුද්ධ ප්‍රතිමා වහන්සේගේ ඡායාරූප සසඳා බැලුවහොත් එය වටහා ගැනීමට අපහසු නොවන බවයි ඔවුන් වැඩිදුරටත් සඳහන් කර ඇත්තේ.

ඓතිහාසික වටිනාකමක්‌ ඇති මෙම බුද්ධ ප්‍රතිමා වහන්සේ වසර 50 කට අධික කලක සිට නගරාධිපති නිල කාමරයේ තැන්පත් කර තිබූ බව වාර්තා වෙනවා.

එම කාලය තුළ සිරිසේන කුරේ, හුසේන් මොහොමඩ්, රත්නසිරි රාජපක්‍ෂ, කේ. ගනේෂලිංගම්, කරු ජයසූරිය, ඕමාර් කාමිල්, ප්‍රසන්න ගුණවර්ධන, උමේස්‌ ඉමිටියාස්‌ සහ ඒ.ඡේ.එම්. මුසම්මිල් යන මහත්වරුන් නගරාධිපතිවරුන් ලෙස කටයුතු කළ ද ඒ කිසිවකුත් මෙම ප්‍රතිමා වහන්සේ ඉවත් කිරීමට හෝ වෙනස්‌ කිරීමට කටයුතු නොකළ බව සේවකයෝ පවසන බව සඳහන්.