නීතිඥ සුගන්ධිකා ඇඳන් උසාවියට ආපු ගවුමට නීතිඥවරුන්ගේ බලවත් විරෝධය - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Thursday, June 21, 2018

නීතිඥ සුගන්ධිකා ඇඳන් උසාවියට ආපු ගවුමට නීතිඥවරුන්ගේ බලවත් විරෝධය

පසුගිය සමයේ ෆේස්බුක් සමාජ ජාලය තුලින්  ලංකාවේ අධිකරණ පද්ධතිය පිළිබඳව ආන්දෝලනාත්මක කරුණු කිහිපයක් අනාවරණය කළ නීතීඥ සුගන්ධිකා ප්‍රනාන්දුට මාරවිල අධිකරණයේදී දැඩිව අවවාද කර ඇති බව වාර්තාවෙයි.

ඒ එම අධිකරණයේ පැවති නඩු විභාගකයට සුගන්ධිකා ප්‍රනාන්දු ඇඳගෙන
පැමිණි ඇඳුම සම්බන්ධයෙනි.

දින කිහිපයක් තිස්සේ  මාරවිල මහේස්ත්‍රාත් අධිකරණයේ විභාග වූ නඩුවක් සඳහා ඇය පැමිණ ඇති අතර එහිදී,  ඇය පිජාමා වර්ගයේ ගවුම් ඇඳ පැමිණ තිබේ.

මින් අධිකරණයට අගෞරවයක් වූ බව පවසමින් මාරවිල නීතිඥ සංගමය ඇයට විරුද්ධව පැමිණිල්ලක්ද ඉදිරිපත් කර තිබෙන බව වාර්තාවෙයි.

මේ පිළිබඳව  අධිකරණය දැනුවත් කිරීමෙන් පසු අතිරේක මහේස්ත්‍රාත් කේමින්ද පෙරේරා ඇගේ ඇඳුම සම්න්ධයෙන් ප්‍රකාශයක් කරමින්, ‘‘නීතිඥවරයෙකු ලෙස ශ්‍රේෂ්ඨාධිකරණ රීති මාලාවේ රීති අතරන් හත්වැනි රීතිය යටතේ දැක්වෙන ආකාරයට අධිකරනයට සුදුසු ආකාරයෙන් පැමිණ නොමැති බව අධිකරණය නිරීක්ෂනය කරනවා‘‘ යැයි පවසා ඇත.

නීතිඥ සුග්න්ධිකා ප්‍රානන්දු එය පිලිගෙන ඊයේ (20) දිනයේ තිබූ අනෙක් නඩුවලට පෙනී නොසිට අධිකරණයෙන් පිටව ගොස් තිබේ.

මේ පිළිබඳව ඇගෙන් කළ විමසීමකදී අදාල සිදුවීම සත්‍ය බවත් තමා ගවුමක් ඇඳ අධිකරණය ගිය බවත් පිළිගත්තාය.