ආණ්‌ඩුවෙන් ගිය 3ක්‌ ආපසු ගන්න රහස්‌ සැලසුමක්‌. - HOT NEWS | HotNews.lk | Gossip Lanka | හොට් නිව්ස්

HOT NEWS | HotNews.lk | Gossip Lanka | හොට් නිව්ස්

HotNews.lk Latest News and Gossip Updates from Sri Lanka.

gossip lanka

Apr 24, 2018

ආණ්‌ඩුවෙන් ගිය 3ක්‌ ආපසු ගන්න රහස්‌ සැලසුමක්‌.

ඉකුත් දා ආණ්‌ඩුවෙන් ඉවත්වූ ශ්‍රී ලංකා නිදහස්‌ පක්‍ෂයේ මන්ත්‍රීවරුන් 16 දෙනාගෙන් තිදෙනකුට ඉදිරි ඇමැති මණ්‌ඩල සංශෝධනයේදී කැබිනට්‌ ඇමැති ධුර ලබා දී යළි එක්‌කර ගැනීමට ආණ්‌ඩුවේ සිටින එම පක්‍ෂයේ පිරිසක්‌ රහසිගත සැලසුමක නිරතව සිටින බව දේශපාලන ආරංචි මාර්ග හෙළි කරයි.

මෙම තිදෙනා හිටපු රාජ්‍ය හා නියෝජ්‍ය ඇමැතිවරුන් වන බවද වාර්තා
වෙයි.

මේ පිළිබඳව ආණ්‌ඩුවෙන් ඉවත්වූ 16 දෙනාගේ කණ්‌ඩායම නියෝජනය කරන හිටපු නියෝජ්‍ය ඇමැති අනුරාධ ජයරත්න මහතාගෙන් දිවයින කළ විමසීමකදී කියා සිටියේ තම කණ්‌ඩායම පෙනී සිටියේ එකම අරමුණක්‌ වෙනුවෙන් බවත් යළිත් වත්මන් අගමැති යටතේ ආණ්‌ඩුවවට කිසිවකුට එක්‌විය නොහැකි බවත්ය.

එසේම දැනට ආණ්‌ඩුවේ ඇමැති ධුර දරන කිහිප දෙනකුම ඉදිරියේදී ඇමැතිධුර අතහැර තම කණ්‌ඩායම සම`ගම ස්‌ථීරව විපක්‌ෂයට එක්‌වන බවද හෙතෙම කියා සිටියේය.

එළැඹෙන මැයි දිනයට පෙර පක්‍ෂයේ මධ්‍යම කාරක සභාව රැස්‌ කරන ලෙස ජනාධිපතිවරයාගෙන් ඉල්ලා ඇතැයිද එහි තීරණය මත ඉදිරි ක්‍රියාමාර්ග තීරණය වනු ඇති බවද හෙතෙම කීය.